Dua a displaced workers ti nakaawat iti pinansial a tulong nga aggatad iti PHP 10,000.00 tunggal maysa iti sidong ti Emergency Repatriation Fund (ERF) ti Overseas Workers’ Welfare Administration (OWWA).
Personal nga inawat da OFW Obiacoro manipud Luna, La Union nga agdama nga adda iti ospital ken OFW manipud Agoo, La Union ti nasao a tulong pinansial a naggapu iti ahensia.
Simmangpet dagiti nadakamat nga OFW ditoy Pilipinas idi Oktubre 16 ken Nobiembre 7 a saan a nalpas ti kontratada.
Napalaus met ti yaman dagiti OFW iti naawatda a tulong manipud iti OWWA-RO1.
