Naan-anayen a binakante ti Philippine National Police (PNP) ti puesto ti provincial director kadagiti dua a probinsya ti Pilipinas gapo iti pannakapaay a tungpalen ti 5-minute response time iti masakopan da.
Nupay pinasingkedan ni PNP Chief PGen. Nicolas Torre III iti panagsesante, nagkedked met isuna a naganan dagiti opisyales ken nu sadino a probinsya da a naidutok.
Segun kenni Gen. Torre, urayen da pay nu sino dagiti ag-apply para kadagiti posisyon sakbay a maiyakar ti puesto dagiti agdama a hepe.
Inlawlawag met ni Torre nga adda met dagiti gundaway a dagiti nasao nga opisyales ket makabales ken makasabay iti agraraira a polisiya ti PNP.
Idi kalman met ket pinasingkedan ni Torre nga idi bimmisita isuna idiay Iloilo ket inikkan ti pammakdaar ti provincial director gapo iti kapada a problema.
Maipalagip nga immunan a sinesante ni Torre dagiti walo a chief of police sadiay Metro Manila gapo iti panagbiddut a tungpalen ti baro a polisiya.
