Inarestar manen dagiti otoridad dagiti dua a suspek idiay Parañaque City kalpasan a matiliwan ti illegal explosives ken firearms nga immunan a naarestar gapo ti panagpeke nga adda koneksyon da ti Pamilya dagiti Marcoses.
Segun kenni Police Brigadier General Eleazar Mata ti Philippine National Police-Highway Patrol Group (PNP-HPG), narekobre maniud iti lugan dagiti suspek ti C-4 explosive, nangangato a kalibre ti paltog, bala, kutsilyo, posas, ken bulletproof vests.
Natiliw dagiti suspek kalpasan a saan a makaipakita ti umiso a dokumento ken agpammarang a kameng ti Office of the President.
Mapilaan dagitoy ti kaso para ti panaglabsing ti RA 10591 wenno Comprehensive Firearms and Ammunition Regulation Act, RA 9516 wenno Unlawful Possession of Explosives, ken dadduma pay.
Kabayatanna, pinaregta met dagiti otoridad ti siasinoman a nabiktima dagiti suspek a mangipila ti maiyannatop a kaso.
