Inanunsyo ti Russia a nasakop dan iti Zelenyi Hai idiay Donetsk ken Maliivka idiay Dnipropetrovsk iti makin-abagatan a paset ti Ukraine.
Saan met a kinumpirma ti Ukrane iti panakaabak da kadagiti nasao a villages, ngem impadamag da iti nakaro a rinanget.
Segun kenni President Volodymyr Zelenskyy, agtaltalinaed a sentro ti rinupak iti siyudad ti Pokrovsk ken naballigi iti operasyon ti pwersa ti Ukraine idiay Sumy iti northern border.
Iti agdama, awan pay ti nalawag a data maipanggep kadagiti waragawag ti dua a dasig.
Maipalagip nga iti maikatlo a panagtataripnong idiay Turkey ket naangay tapno talantanen iti conflict resolution.
Adda iti pagdurdur-asana na iti panagsinnukat ti kautibo ken bangkay dagiti pimmusay, ngem awan ti katulagan iti ceasefire.
Inaldaw nga iwarwaragawag ti Russia iti panangtagikuada kadagiti baro a teritoryo pakairamanan iti Zelenyi Hai, a segun iti Russian Defense Ministry ket napateg a kuta ti Ukraine.
Dinakamat met ti Ukraine a sumagmamano a panagraut idiay Maliivka ken Zelenyi Hai iti nalappedan da bayat nga agtultuloy iti awan sarday a panagraut idiay Pokrovsk.#
