Naikkat iti puesto dagiti dua nga opisyales ti Department of Public Works and Highways sa Cordillera Administrative Region (DPWH-CAR).
Segun iti DPWH, naikkat iti posisyon da District Engineer Isagani Cayme ken Engineer III Marjory Banao ti DPWH-CAR gapo iti kinakurang dagiti road safety signages ken traffic control device iti rehion.
Karaman kadagiti kinaliway dagiti opisyales ket dagiti nakabalandra a concrete barriers iti nareggay a paset ti kalsada sadiay Beckel, La Trinidad, Benguet a nakatayan ti maysa a siklista kalpasan a matennag iti derra-as.
Segun kenni Public Works and Highways Secretary Vince Dizon, saane a rumbeng pay a maulit dagiti kapada nga insidente nga inggubuay ti kinaliway dagiti opisyales ti ahensiya.
Kasaruno na ket nagballaag ti Sekretaryo kadagiti amin a DPWH contractors nga otomatiko a makanselar dagiti kontrata da, maipasidong ti blacklist, ken mapilaan ti kaso nu makita a saan a matungtungpal dagiti safety requirements kadagiti ipaspasdek da a proyekto.
