Narekobre manipud ti maysa a high-value drug personality ti dua pidaso nga elongated rolls ti marijuana kasaruno ti inyuswat a buybust operation dagiti otoridad.
Dua pidaso nga elongated marijuana rolls, natiliw manipud iti high-value drug individual idiay Ilocos SurNarekobre manipud ti maysa a high-value drug personality ti dua pidaso nga elongated rolls ti marijuana kasaruno ti inyuswat a buybust operation dagiti otoridad.
Ti operasyon ket inyuswat ti nagbinnulig a kameng ti Philippine Drug Enforcement Agency Regional Office I – Regional Special Enforcement Team (PDEA RO I – RSET), Santiago Police Station, ken PNP Drug Enforcement Group-Special Operation Unit 1 (PDEG-SOU 1) sadiay Santiago, Ilocos Sur.
Binigbig ni PDEA RO 1 Regional Director III Joel B Plaza ti suspek a ni Rolly Maret Guerrero, 47-anyos a naarestar agarop 7:50PM idi Pebrero 16, 2025.
Dagiti narekobre nga marijuana ket agdagsen ti nasurok-kumurang 600 a gramo ken aggatad ti P72,000.00. Mainayn pay ti maysa pidaso met ti heat-sealed transparent plastic sachet ti shabu nga aggatad ti P680.00, mobile phone, Philhealth ID, ken ti buy-bust money.
Nakadetene itan ti suspek sadiay Camp Diego Silang, Carlatan, San Fernando City, La Union bayat a maisagsagana ti kaso kontra kenkuana, partikular ti panaglabsing ti Section 5 (Sale of Dangerous Drugs), Article II ti RA 9165 wenno Comprehensive Dangerous Dugs Act of 2002.
