BR LA UNION – Maisay-sayangkat ti DUGONG BOMBO 2025: “A Little Pain, A Life to Gain” iti 25 a lugar iti intero a pagilian.
Ti Bombo Radyo Philippines, ken panagdinnanggay ti Bombo Radyo Philippines Foundation, Inc. ken Philippine Red Cross, ket mangisay-sayangkat ita nga aldaw, November 15, 2025 ti napnuan kaipapanan a Dugong Bombo 2025— ti nabirngasan a single-day bloodiest voluntary blood donation event.
Ita a tawen, naun-uneg ti kaipapanan ti Dugong Bombo agsipudta ti pagilian ket agtultuloy a bumang-bangon manipud kadagiti narungsot ken makadidigra a bagyo ken gingined a napasaran ti pagilian.
Ti dakkel a pagkasapolan, tapno agbalin a natalged ken supisyente iti blood supply, iti mangipakita a napateg dagiti community-driven humanitarian initiatives wenno ganwat a kas ti Dugong Bombo.
Makipas-paset iti programa nga addaan ti tured ken panagregget dagiti ribu a Pilipino iti intero a pagilian, manipud kadagiti n aduma-duma nga ahensiya ti gobyerno, civic organizations, religious groups, schools, uniformed personnel, private companies, ken voluntary blood donors.
Iti Catholic Bishops’ Conference of the Philippines (CBCP) ket nangipaay ti naan-anay a suporta iti bloodletting event ita a tawen ken inallokoy na dagiti matalek a makipaset kas panangipeksa ti pammati, pannaki-tinnulog, ken pannakikaysa kadagiti agkasapolan.
Iti nasurok dua itan a dekada, ti Dugong Bombo ket agserserbi a reliable lifeline wennp pagsadagan para iti blood banks, hospitals ken emergency response units, agsipudta dagiti ribu a blood units iti mangisalbar ti adu a biag iti tinawen.
Kalaw-lawa ti event ti kinadakkel ti kaipapanan daytoy a ganwat, a ti tunggal panagidonar ti dara nu adu ti agkaykaysa ket pagbalinen na a nabileg, a mangipaay ti namnama ken panagimbag.
Babaen ti tema a “A Little Pain, A Life to Gain,” mangipalagip iti tunggal Pilipino a ti panag-donar ti dara ket apagbiit ken makarikna ti sangkabassit a sakit, ngem ti kasukat daytoy ket panangisalbar ti biag nga agngangabit kenni patay ken makatulong kadagiti agkasapolan unay.
Babaen iti maigan-ganwat a Dugong Bombo 2025 iti intero a pagilian, ti Bombo Radyo Philippines, in partnership iti Bombo Radyo Philippines Foundation, Inc. ken Philippine Red Cross, paneknekan na manen iti agtultuloy a public service, community empowerment, ken kabaelan nga agisalbar ti adu a biag dagiti Pilipino.
Basta Radyo… BOMBO!
