LA UNION – Maibilang a ballaygi ti Dugong Bombo 2024 nga inganwat ti Bombo Radyo ditoy probinsiya ti La Union.
Naisayangkat ti blood letting activity iti La Union National High School, City of San Fernando, La Union.
Agyaman ti Bombo Radyo La Union ken Bombo Radyo Philippines Foundation, Inc. kadagiti indibiduwal a nakai-donar ti dara ken dagiti saan a nakaidonar gaputi sumagmamano a rason ti salun-at, dagiti miyembro ti Bureau of Fire Protection, Philippine National Police, Bureau of Jail Management and Penology, DMMMSU Mid La Union Campus – ROTC Unit, CICOSAT colleges, JCI San Juan Dalluyon, iti suporta nga impaay da iti Dugong Bombo….A little pain, A life to gain.
Ni Grant Fontanilla ti Barangay Casilagan, San Juan, La Union iti kaunaan a successful blood donor para iti Bombo Radyo La Union, simmaruno ni Harlie Biblanias ti Barangay Poro City of San Fernando, La Union.
Agyaman ti Bombo Radyo La Union kadagiti nagbalin nga sponsors, “in cash and in kind” tapno maipatungpal ti programa.
Kadagiti 85 a nagpa-rehistro, pakabuklan a 71 dagiti successful blood donors para iti pakabuklan a 31,950 cc (cubic centimeter) a dara iti naor-or ti Bombo Radyo La Union.
