Insayangkaten ti City Government of San Fernando, La Union ti kaunaan nga Dugong Buhay: A Bloodletting Activity ita nga tawen babaen ti panangidaulo ti Office of the City Mayor – Special Projects Office sadiay Liga ng mga Barangay Hall idi Pebrero 17.
Babaen ti nagbinnulig a kooperasyon ti City Health Office ken Ilocos Training Regional and Medical Center ket nakakolekta ti 84 bags a dara ti programa manipud kadagiti 127 blood donors.
Karaman kadagiti nakipamaysa kadaitoy nga aktibidad ket dagiti kameng manipud ti PNP, BJMP, Coastguard, Philippine Airforce, ken dadduma pay a departamento ken volunteers ti Team Dong.
Kas panagyaman ket naikkan dagiti nakipaset ti Certificate of Appreciation kalpasan ti balligi a panagdonar ti dara.
Impasiguro ti programa a Dugong Buhay nga adda ti umdas a suplay ti dara para kadagiti agkasapulan.
Panggep daitoy a maallukoy dagiti Fernando ken Fernanda nga agdonar met ti dara tapno makaisalakan ti biag ti sabali.
