Impamatmat manen ni Armand “Mondo” Duplantis nga isuna iti dominante ti pole vaulting iti Diamond League meet sadiay Oslo, Norway idi aldaw ti Huebes kalpasan nga imaldit na ti baro a record a 6.15 meter.
Ti sabali a bangir, saan met a nakapasa ni Filipino pole vaulter EJ Obiena para ti umuna a round ken nasapa iti eliminasyon na a nakarecord laeng ti 5.62 meter.
Ni Duplantis iti agdama a mangidadaulo ti pole vaulting ti intero a lubong kasaruno nga abaken na ti bukod na a world record idi Pebrero a 6.27 meter.
Laksid met dagiti dadakkel a balligi kas iti Olympic gold ken namitlo a panagbaliw ti world record idi laeng napalabas a tawen, agtultuloy na latta a papapigsaen ti reputasyon na kas kapigsaan iti daitoy a sports.
Kabayatanna, ni Obiena met kadwa dagiti vaulters nga isuda Sondre Guttormsen ti Norway ken Ben Broeders ti Belgium ket narigatan iti 5.62 meters isu a nasapa da a napaay iti torneo.
Bayat a ngumatngato iti bar, ni Duplantis ket naaramidan na a malagto ti 5.82 meters iti umuna paylaeng a panangpadas na a kamaudian ket napainget pay ti laban babaen kenni Emmanouil Karalis ti Greece. Kamaudiananna, ni laengen Duplantis ti nabati iti kompetisyon ket inabak na pay ti 6.15 meter-jump iti maikatlo a gandat.
Kabayatanna, nakatutok itan ni Duplantis para iti sumaruno a laban na idiay Stockholm ket namnamaen na manen a ma-break na iti world record.
