Saanen a rumbeng pay a suportaran dagiti Pilipino iti daitoy nga eleksyon dagiti personalidad manipud idi napalabas nga administrasyon tapno masalakniban ti pagilian manipud iti kontrol ti gangganaet, iligal a droga, POGO, criminal syndicates, korapsyon, ken panangabuso ti posisyon.
Nagpakdaar ni Zambales Rep. Jay Khonghun nga iti panangipasubli manen kadagiti Duterte ket mangpabiag ti impluwensya iti China, state-sponsored killings, iligal nga POGO, ken nasaknap a panagkunniber ti gobierno.
Innayon na pay a ti panangibotos kadaghiti senador a maka-Duterte ket agresulta manen iti panagtalna dagiti maar-aramid iti China, a maibilang nga panagtraydor ti pagilian.
Nagpanawagan ni Khonghun a lagipen dagiti ilegal nga aktibidad ken panangabuso idi sidong ti Duterte Administration.
Nagbuwelta pay isuna kenni VP Duterte ket kinunana nga iti impeachment case ket maysa a napateg a pannubok ti pagilian tapno mapagsungbat dagiti Duterte.
Impaganetget na nga iti umadani nga eleksyon iti mangdetermina nu palubosan dagiti Pilipino ti panagsubli ti gobierno a nasaknap ti korapsyon, extrajudicial killings, ken natalna iti panagsakop dagiti gangganaet.
