BR LA UNION – Impaganetget ti Malakanyang nga awan ti aramiden ni Presidente Ferdinand Marcos Jr. matuloy man wenno saan iti impeachment trial kenni Vice Pres. Sara Duterte.
Reaksyon daytoy ti Palasyo iti akusasyon ti kampo ni Duterte nga igag-gagara ti administrasyon a ma-impeach iti bise presidente tapno saan a makataray iti 2028 presidential elections.
Segun kenni Presidential Communications Office Undersecretary ken Palace Press Officer Atty Claire Castro, a rugi pay laeng ket nalawagen iti waragawag ni President Ferdinand Marcos Jr. a kontra isuna iti impeachment.
Napasamak kunana iti panang-impeach ti Kamara kenni VP Sara gaputi separation of powers.
Imbaga ni Castro, nga anyaman ti kaipapanan daytoy kadagiti Duterte ket opinyon da dayta.
Innayon pay ti opisyal, a kayat laeng dagiti Duterte nga agsubli iti turay isunga pad-padaksen da ni President Marcos ken iti administrasyon.
