Linuktanen ti Bureau of fire Protection (BFP) ti portal nga umawat kadagiti reklamo manipud kadagiti average nga umili.
Panggep daitoy ti alisto a panangtaming kadagiti reklamo dagiti umili.
Segun kenni BFP Officer-in-charge Fire Captain Superintendent Jesus Fernandez, mabalin nga ipatulod dagiti reklamo kontra kadagiti rinuker nga staff-da babaen ti portal.
Kinunana a paset daytoy ti internal cleansing-da tapno matungpal ti BFP ti mandato nga agserbi iti umili.
Babaen daitoy ket uray dagiti impormasion manipud kadagiti adayo a lugar ket alisto a makadanon kadagiti maseknan.
Impasiguro ni Fernandez nga agtalinaed a kompidensial ti kinasiasino dagiti nagreklamo.
Imbestigaranda a naimbag dagiti darum tapno masungbatan dagiti rinuker bayat ti panangsungbatda iti singasing para iti pagimbagan ti ahensia.
