Pinasingkedan ni Special Assistant to the President for Investment and Economic Affairs Secretary Frederick Go a dinakamaten ti economic team ni Presidente Ferdinand Marcos Jr., ti panagpatas a 17% tariff rate ti Estados Unidos ditoy Pilipinas.
Segun kenni Go, nadakamat manipud iti panagtataripnong nu anya ti agbalin a sungbat ti Pilipinas iti addan ti Estados Unidos a mangipaulog ti reciprocal tariff kadagiti amin a pagilian ti intero a lubong.
Mupay kasta, nagkedked metten a mangipaay ti kanayunan pay a detalye ni Go seknan ti naangay a anagtataripnong.
Kinunana a maaddaan pay ti naisina a panagtataripnong ti ASEAN Finance Ministers mainaig iti daitoy a dar-ayan met ni Department of Trade and Industry Secretary Maria Cristina Roque.
Maipalagip nga adda iti nasaknap a panawagan dagiti pagilian a miembro ti ASEAN a maaddaan da iti nagkaykaysa nga apela para iti impaulog a nangato nga taripa ti Amerika.
