Mapagsasaritaan ita iti social media iti estado ti relasyon da Ellen Adarna ken Derek Ramsay kalpasan dagiti cryptic posts ni Ellen iti Instagram.
Maysa kadagiti post na ket mangtaltalantan iti rigat dagiti babbabai a dumaldalan iti postpartum ken no dadduma ket maaw-awagan da pay a “crazy” wenno aguuyong, nga ikonkonektar dagiti netizens kadagiti tsismis ti panagsina. Kangrunaan iti quote ni Ellen a mangibagbaga a “You can’t destroy the mother of your children and then tell me you’re a good father.”
Dagos met a pinaglibakan ni Derek dagiti tsismis babaen ti maysa nga Instagram Story.
Numanpay agul-ulimek dagiti dua maipanggep iti estado ti relasyonda, isunga agtultuloy iti espekulasyon ti publiko kalpasan a nagbiyahe ni Derek idiay Bali nga agmaymaysa para iti maysa a self-improvement retreat.###
