Inaklon ni Elon Musk nga agbabawi isunan kadagiti dadduma a post na kontra kenni US President Donald Trump mainaig iti tensyon ti nagbaetan da ti social media.
Nagtaud ti riri dagiti dua kalpasan nga awagan ni Musk iti tax bill ti administrasyon ni Trump kas “disgusting abomination,” ken kiniddaw a iti publiko a kontraen daitoy. Agtalek isuna nga agtungpal laeng daioy iti recession para ti maikadua a paset ti tawen.
Nangiwaras pay ni Musk ti saan a beripikado a waragawag a karaman ni Trump kadagiti saan a naipablaak a dokumento mainaig kenni Jeffrey Epstein a nainget met nga pinaglibakan ti White House.
Kas sungbat ket kinuna ni Trump nga awan ti respeto na ni Musk ken nagpangta a putden na dagiti kontrata daitoy iti goberno kas iti SpaceX nga aggatad ti $38-B.
Nupay inawagan ni Trump ti nagbalin a garaw ni Musk a dakes ket awan met ti pagsakitan nakem daitoy. Binabalaw na pay ti sigud nga aide ni Trump a ni Steve Bannon kadagiti nagbalin nga aksyon na ken kinuna a nasken a maipadeport isunan.
Kabayatanna, kinuna met ni US Vice President JD Vance a saan a kayat ti presidente a kumaro iti tensyon ken tarigagay ti administrasyon a mapasubli ti nasayaat a relasyon ti maysa kadagiti kadakkelan a campaign donors ni Trump.