Maragsakan dagiti sumagmamano nga empleyado ti Don Mariano Marcos Memorial State University – Mid La Union Campus iti imbingsa-bingsa a naggapuanan ti Presidente ti maikadwa a SONA.
Ti pannakiuman ti Bombo Radyo La Union ken Randee Ipac Navasca, Instructor of College of Education Department, North La Union Campus, Sapilang Bacnotan La Union, imbatadna a maragsakan isuna kadagiti imbingsa-bingsa a naggapuanan iti administrasyonna bayat ti panagtakem na iti uneg ti makatawen.
Segun kenkuana, organisado met dagiti inibbatanna a pannarita.
Kas inibbatan ti Presidente ti maikadwa a SONA daytoy, dinakamatna ti panangipatakder ti kanayunan nga imprastraktura, ken segun ken Randee, magun-gun-of met ti pagadalan a pagserserbiyanna gapu ta umdas met dagiti classroom dagitoy.
Innayonna pay nga adu dagiti naipaay ti presidente a classrooms ti tallo nga unibersidas ti Don Mariano Marcos Memorial State University
Inpaayan na met ti Presidente ti nangato a marka gapu ta adu dagiti nagapwanan ti Presidente iti makatawen a panagtakema na ken adda dagiti makita a dimmur-as.
