Simmango ni Engineer Brice Ericson Hernandez iti Independent Commission for Infrastructure (ICI) ita nga aldaw, Setyembre 19, 2025, kas maitunos iti nairuar a subpoena mainaig iti imbestigasion kadagiti maanomalya a flood control projects idiay Bulacan.
Natalantan iti nagbalin a testimonya na idiay Senado ken Kamara idi Setyembre 8 ken 9, 2025.
Nawaya ken kusa na a sinungbatan dagiti amin a damag ti komision ken boluntaryo na nga insuko iti maysa kadagiti luxury vehicles na kas pammaneknek ti kooperasion na.
“As a sign of good faith and his willingness to further cooperate with the Commission, Mr. Hernandez is voluntarily surrendering one of his luxury vehicles to the Commission, and others to follow. In the meantime, the testimony of Engr. Hernandez was adjourned and shall continue upon the directive of the Commission,” waragawag ti ICI nga addaan ti pirma ni Chairman Andres Reyes Jr.
Maituloy iti panagdingeg ti testimonyana iti naituding a petsa ti Commission. ###
