LA UNION – Inabsuwelto ti Sandiganbayan Third Division da sigud a Senate president ken agdama a Chief Presidential Legal Counsel Juan Ponce Enrile, agraman ti sigud a chief of staff na a ni Atty. Jessica “Gigi” Reyes, ken iti negosyante a ni Janet Lim Napoles, iti P172-million plunder case nga adda pakainaiganna iti kontrobersiyal a pork barrel scam.
Segun iti korte, naabsuwelto dagiti tallo gaputi pannakapaay ti prosekusyon a paneknekan a guilty wenno nagbasol dagiti tallo ” beyond reasonable doubt.”
Nupay kasta, ni Napoles, ket agtalinaed a mabalud gaputa kombiktado iti dua a kaso na a plunder mainaig iti pork barrel scam.
Maipalagip a ti nasao a kaso ket naidatag, 10 a tawenen ti napalabas.
Naipila ti plunder case kontra kenni Enrile ken dagiti dadduma idi Hunyo 2014.
