Nakabalud itan ti maysa nga entertainer kalpasan iti insayangkat nga Anti-Illegal Drug Operation dagiti otoridad idiay Barangay Pagdalagan Norte, San Fernando City, La Union itay 1:50 ti parbangon ita nga aldaw ti Martes, Abril 26, 2022.
Nabigbig ti suspek a ni Angel Ann Nuesca, 18 anyos, maysa nga entertainer, ken residente ti Barangay Pagdalagan Sur, Bauang, La Union.
Immuna ti daytoy, inyun-una ti San Fernando City Police Station kadua dagiti dadduma a unit ti kapulisan ti panangisayangkat ti buy bust operation iti nasao a lugar nga nakaarestaran ti suspek.
Nakumpiskar manipud iti suspek ti (3) a pidaso ti heat sealed transparent plastic sachet a mapapati a shabu nga agdasen ti 0.4 gram ken mapatta-patta a agbalor ti P2,700 pesos; ken (1) pidaso ti genuine P1,000 peso bill a naaramat kas buy-bust money.
Iti agdama, agtaltalinaed iti kustodiya ti San Fernando City Police Station ti suspek idinto a maisagsagana metten ti kaso a maidatag kontra kenkuana.
