BR LA UNION – Maiprisintar iti impeachment proceedings dagiti sobre a maipagarop nga inted ni VP Sara Duterte kadagiti opisyal ti Department of Education (DepEd), segun iti House Committee on Justice.
Pinaayaban ti komite ni Marivic Pareja, director ti House Legislative Archives tapno irwar dagiti rekord ken ebidensya a naisumite kadagiti immuna a panagdengngeg ti Committee on Good Government ken Public Accountability.
Kabilang ditoy iti testimonya ni sigud nga DepEd Undersecretary Gloria Mercado a maipagarop a nakaawat iti sobre a naggapo iti opisina ni Duterte.
Kadagiti immuna a panagdengngeg, nailanad a maipagarop nga adda karga na a kuwarta dagiti sobre a naibunong iti sumagmamano nga opisyal ti DepEd, kabilang dagiti miyembro ti Bids and Awards Committee.
Sumagmamano kadagitoy ket naglaun ti P12,000 agingga P15,000 tunggal sobre.
Agtultuloy nga imbestigaran ti House Committee on Justice nu adda naan-anay a basaran dagiti reklamo nga impeachment tapno maisagpat iti kaso idiay Senado para iti pormal a panagusig.
