Inwaragawag ni US President Donald Trump a temporario nga isardeng ti Estados Unidos iti operasion daytoy iti panag-escort dagiti barko idiay Strait of Hormuz, kasaruno ti maipagarup a dakkel a progreso iti negosasion para iti maysa a komprehensibo a katulagan iti Iran.
Sakbayna ket kenuna ni U.S. Secretary of State Marco Rubio a rinugyanen ti pagilian iti operasion tapno tulungan dagiti tanker a makapanaw idiay Gulf, kalpasan ti dandani panagsirra ti nasao nga Strait gapu iti agtultuloy a tensyon.
Kritikal ti nasao a dalan iti sangalubongan a suplay ti langis, a nakaapektar iti agingga 20%, gapuanan tapno timpuar ti krisis iti enerhiya.
Laksid ti temporario a pannakapasardeng ti escort mission, agtaltalinaed nga epektibo iti blockade kontra iti Iran, ken awan pay ti opisyal a sungbat manipud iti Tehran maipanggep iti waragawag.
Kabayatanna, kasaruno ti statement ni Trump, bimmaba iti presyo ti langis idiay Estados Unidos ti $100 tunggal bariles—maysa a napateg nga antas sipud idi ngimmato ti presyo gapu iti tension dua a bulanen ti napalabas.
Iti sabali a bangir, inwaragawag ni Rubio a nalpas metten ti kangrunaan a military operation ti Estados Unidos a naawagan ti Operation Epic Fury, a nayusuat kadua ti Israel. Panggep daytoy a lapdan ti Iran a mangpartuat ti nuclear weapons, banag nga agtultuloy a pagliblibakan ti Tehran.
Kenuna met ni U.S. Secretary of Defense Pete Hegseth a natalgeden a dalanan iti Strait of Hormuz ken nakasaganan para kadagiti ginasut a commercial ships, nupay agtaltalinaed nga agraraira ti ceasefire.
Agtultuloy met a ngumatngato ti tension iti rehiyon kalpasan nga impadamag ti United Arab Emirate ti kabaruan a missile ken drone attacks a mapapati a naggapo idiay Iran, banag a pinaglibakan ti Tehran.
Iti pakabuklan, agtultuloy ti diplomatic efforts tapno naan-anayen a maisardeng iti gubat a nakatayan ti rinibo a tattao ken nakaapektar iti sangalubongan nga ekonomiya.
Agtaltalinaed a saan a sigurado no katno a makagun-od ti napaut a katulagan.###
