Inlawlawag ni National Security Adviser Eduardo Año bukod nga nisyatiba ti United States (US) ti panangipatulod kadagiti soldado da idiay Ayungin Shoal sadiay Shoal sa West Philippine Sea (WPS) nu ayanti a naisadsad ti BRP Sierra Madre.
Inaramid ti opisyal ti panangilawlawag kasaruno metten ti immuna nga imbutaktak ni US Defense Secretary Lloyd Austin nga adda iti US Task Force Ayungin.
Nadamag ti secretario kabayatan ti panagdar-ay na iti 25th ASEAN Chiefs of Army Meeting, ken ditoy a kinuna ni Austin a panggep iti daitoy a Task Force a maaddaan iti tropa ti US idiay Ayungin Shoal kas panagpakita ti suporta.
Paset metten daitoy iti panangitandudo iti US ti kampanya mainaig iti Maritime Domain Awareness kakadwa iti Armed Forces of the Philippines (AFP).
Panangilawlawag pay ni Año nga awan ti direkta a partisipasyon dagitt soldado nga Amerikano iti operasyon ti BRP Sierra Madre ken dagiti otoridad ditoy ket agtalinaed latta iti sidong ti Western Command ti AFP kadwa iti Philippine Coast Guard
Nadamag pay iti sekretario nu anya dagiti posible nga agbalin nga implikasyon iti panagtalinaed dagiti soldado ti Amerika sadiay Ayungin.
Sungbat daitoy, awan ti dakes nu mangideply da kadagiti soldado nga Amerikano idiay Western Command agsipud ta sakop met daitoy iti Mutual Defense Treaty (MDT) iti nagbaetan ti Pilipinas en Estados Unidos.
Immuna metten a pinasingkedan ti AFP ti presensya ti US Task Force Ayungin kasaruno ti rebelasyon ni US Defence Sec. Austin idi laeng nabiit pay.
