Nakastreken iti men’s boxing 80kg finals iti Filipino boxer a ni Eumir Marcial iti agtultuloy a Southeast Asian (SEA) Games.
Tinumba ti 30-anyos ken two-time Olympian a ni Marcial kadagiti nabatbati a 35 segundo nga oras iti maikadua a round iti Vietnamese boxer a ni Manh Cuing Nguyen tapno makaabante para iti gold medal match.
Kinunana a saan na a napakadaan iti knockout agsipud ta impaay na met laeng ti sibubukel a kabaelan na tapno agballigi.
Makasango itan ni Marcial ti Indonesian boxer a ni Maikhel Muskita a nangabak met iti balitok a medalya idi tawen 2021 kasta met iti silver medal idi kallabes a 2023 SEA Games.
Makadwa ni Marcial dagiti dadduma a Filipino boxers nga isuda Flint Jara, Jay Brian Baricuatro, Aira Villegas a lumaban para ti gold medal match.
