BR LA UNION – Inakusaran ni Philippine Fencing Association (PFA) President Rene Gacuma ni Leyte Rep. Richard Gomez a dinangran na daytoy.
Napasamak ti insidente bayat ti kaadda ti delegasyon idiay Thailand para iti agtultuloy a 33rd Southeast Asian Games.
Maibasar iti surat nga impatulod ni Gacuma kenni Philippine delegation chef de mission Dr. Jose Raul Canlas, mapapati nga inatakar ken pinagsa-wan ti dakes isuna ni Gomez kalpasan a nakilamao iti kongresista gaputi panangabakna ti silver medal iti nasao nga event.
Imbes a maki-lamano met ni Gomez, maipagarop a binaddekanna ti saka ni Gacuma, pinisel-na ti abagana, ken pinagsa-wanna ti presidente ti Fencing Association .
Maipagarop pay a binugkawan isuna ni Gomez bayat ti panang-kuwestiyon na nu siasino ti nangted kenkuana ti otoridad a sukatan ti sumagmamano nga atleta.
Maibasar iti salaysay ni Gacuma, idi makaruk-at ket sinurot pay isuna ni Gomez ken pinateltelanna ken dinangran pay isuna ti kongresista idi adda dagitoy iti medical station.
Nagramot ti komprontasyon gaputi desisyon ni Gacuma a sukatan iti national athlete a ni Alexa Larrazabal iti women’s individual epee event, gapu ti pannakapaay na a makapagsumite ti umno a dokumento, masansan a panaglangan iti training, ken dadduma pay a makagapo.
Insukat na ti atleta a ni Hannie Abella.
Segun kenni Gacuma, plano na na nga idatagan ti kaso iti kongresista, ngem iti agdama ket komun-konsulta pay laeng iti legal counsel.
