BR LA UNION – Immandar ti kangatuan nga ukom idiay Venezuela a temporaryo nga agtugaw ni Vice President Delcy Rodríguez kas mangidaulo ti pagilian, kalpasan nga innala ti Estados Unidos ni President Nicolás Maduro ken naiturong idiay New York City. U.S.A.
Iti desisyon ti korte, nabilin ni Rodríguez nga akmen ken ibaklay amin a pagrebbengan, responsibilidad, ken bileg a kabuyog ti posisyon ti Presidente, tapno masiguro iti agtultuloy ti gobyerno ken komprehensibo a panang-depensa ti nasao a pagilian.
Nupay kasta, saan nga indeklara dagiti mahistrado a permanente nga awanen iti puwesto ni Maduro.
Maibasar ti linteg idiay Venezuela, ti nasao a deklarasyon ket kaipapanan ti panangisayangkat ti baro nga eleksiyon iti uneg ti 30 nga aldaw.
Iti agdama, temporaryo laeng ti panagtugaw ni Rodríguez kas lider ti estado bayat nga agtultuloy ti pannaka-dengngeg ti kaso ni Maduro.
