Patien ti Philippine National Police (PNP) a saan pay a pimmanaw ti pugante ken sigud a hepe ti Bureau of Correction a ni Gerald Bantag manipud ditoy pagilian.
Kinuna ti pannakangiwat ti PNP Brigadier General Jean Fajardo nga awan ti indikasion ken aniaman a rekord a mangipakpakita a nakalibasen ni Bantag.
Agtultuloy met ti validation ti impormasyon manipud iti tracker teams maipapan iti ayan ti sigud nga opisyal.
Kinuna ni Interior Secretary Jonvic Remulla a dandani da isunan a mabirukan; nainget a makikoordinarda kadagiti nadumaduma nga ahensia tapno inton agangay, arestuendan ton ti sigud nga heneral.
Maipalagip a saanen a nagpakita iti publiko ni Bantag kalpasan a madakamat ti nagan na nga adda iti likudan ti pammapatay kenni Percival Mabasa wenno Percy Lapid kalpasan a babalawen da daitoy iti programa na.
