Pinasingkedan ni Atty. Ferdinand Topacio, abogado ni sigud a Negros Oriental Rep. Arnolfo ‘Arnie’ Teves Jr. a makaruaren ti ospital ti kliyente na.
Segun iti mensahe nga inbinglay na ket nakagun-od ti sigud a kongresista ti ‘clearance to be discharge’ manipud Philippine General Hospital inton bigat, sakbay nga agpangngaldaw.
Nupay kasta, kinuna ni Topacio nga adda latta ti marikrikna ni Teves nga ‘abdominal pains’ gapo iti kallabes nga operasyon.
Gapo iti daitoy ket makasublin ni Teves iti pagbaludan na sadiay Annex 2 ti Bureau of Jail Mangement and Penology wenno BJMP idiay Bicutan, Taguig City.
Nangipadanon met ti kampo da ti panagyaman kadagiti doktor a nangtaming ket nangpasiguro a nasalun-at ti kasasaad ti kongresista.
