Pormalen a nangisubmitir ti counter-affidavit na idiay Department of Justice (DOJ) ni sigud a Department of Public Works and Highways (DPWH) Secretary Manuel Bonoan ita nga aldaw ti Lunes mainaig ti sangsangwen na a kaso ti plunder.
Ti maysa a pannakiuman ket pinasingkedan ni Bonoan ti panangisubmitir ti sungbat na kadagiti akusasyon kontra kenkuana.
Karaman met kadagiti respondents iti reklamo ket isuda Jinggoy Estrada, ken dagiti sigud nga opisyales ti DPWH nga isuda Undersecretaries Maria Catalina Cabral ken Roberto Bernardo, Regional Director Gerard Opulencia, ken District Engineer Henry Alcantara.
Segun kenni DOJ Spokesperson Atty. Polo Martinez, ti kaso ket adda pakainaigan na ti pannakagun-od ti ill-gotten wealth nga aggatad ti nasurok P50M babaen kadagiti serye ti transaksyon.
Laksid ti agraraira nga Immigration Lookout Bulletin Order kontra kenni Bonoan, impeksa na latta ti plano nga agsubli idiay Estados Unidos ken innayon a nagpakada isunan ken naikkan metten iti pammalubos.
Maipalagip a nagturong metlaeng ni Bonoan idiay Estados Unidos idi Nobyembre 2025 tapno kadwaan ti asawa na para ti medical procedure ken nagsubli ditoy Pilipinas idi Enero 18 ti agdama a tawen.
Nainget met a pinaglibakan ni Bonoan dagiti akusasyon a nakaawat isuna ti nasurok P2B a kickback manipud kadagiti proyekto ti gobierno.
