LA UNION – Kinumpirma ti Philippine National Police (PNP) ken Department of Interior and Local Government (DILG), a naarestar ni sigud a Police Colonel Royina Garma ken anak na a ni Angelica Garma Vilela idiay San Francisco, California, USA idi November 7.
Segun kenni PNP PIO Chief & Spokesperson PBGen. Jean Fajardo, a maibasar iti impormasyon da iti directorate for intelligence ti PNP, nai-detain iti US immigration ni Garma kadwana ti anak na.
Awan pay met iti impormasyon ti PNP nu anya ti basaran ti naka-arestaran daytoy, ngem inlawlawag ni PBGen Fajrdo, nga awan ti hold departure order nga inyisyu ti korte kenni Garma ken naruk-atan metten manipudm iti kustodiya ti Congress isunga nakarwar iti pagilian.
Malaksid dayta, awan met ti naidatag kaso kontra kenni Garma.
Maipalagip a maysa ni Garma kadagiti nagtestigo iti maipagarop nga EJKs ken reward system iti kampanya kontra illlegal a droga idi administrasyon ni sigud a presidente Rodrigo Roa Duterte.
Kabayatanna, segun kenni Justice Secretary Jesus Crispin “Boying” Remulla, binilin na ni Commissioner Joel Viado nga idaulwan iti pannakai-deport ni Garma ditoy Pilipinas manipud Amerika.
Mangnamnama ti DOJ, a laksid nga imbabawin ti QuadCom iti contempt order ket maki-tinnulong latta ni Garma iti agtultuloy nga imbestigasyon seknan kadagiti isyu nga adda pakainaiganna iti war on drugs campaign idi panawen ni sigud a Presidente Rodrigo Roa Duterte.
