LA UNION – Pinaglibakan ni sigud a Philippine National Police (PNP) chief Benjamin Acorda Jr. iti akusasyon a nasinged daytoy kadagiti POGO personalities nga isuda Alice Guo ken Tony Yang.
Kinuna na a masak-saktan kadagiti nairuar a ladawan a naipakita iti panagdengngeg idiay senado.
Impaganetget na a nakasagana a sumango ken saan nga agkidem a mangdalus ti naganna.
Saan met a karaman iti panaglibas ni Guo ken awan ti inawat na a kuwarta manipud kenkuana.
Kinapudnona kunana, isuna ti adda iti likod ti pannakaimandar a maisayangkat ti operasyon a nagresulta iti pannaka-diskubre dagiti iligal a POGO hub idiay Bamban, Tarlac.
Maipalagip a nangiparang ti ladawan ni Senator Risa Hontiveros iti panagdengngeg idiay senado, a mangipak-pakita a kadwa ni Acorda da Yang , iti kabsat ni Guo a ni Wesley ken Sual, Pangasinan Mayor Dong Calugay.
