LA UNION – Inaklon ni Vice President Sara Duterte nga indiaya ti ama na a ni sigud a President Rodrigo Duterte, a bayadan na iti gastos dagiti alaenna nga abogado a mangiggem ti kaso na nga impeachment.
Iti panagsalodsod ti Bombo Radyo, imbinglay ti bise president a makitar-taripnong iti adu nga abogado para iti depensa kas panagsagana iti proseso ti impeachment.
Inlawlawag na a nang-organisa da ti team dagiti abogado para iti tunggal kaso tapno masiguro ti umno a representasyon.
Nupay kasta, imbaga na iti ama na, a saan nga agpatulod ti anyaman a kuwarta, agsipudta nakasagana a para iti impeachment.
Impaganetget ti ubing a Duterte a nangrugi da nga agsagana para iti legal battle idi pay napan a tawen kalpasan nga insingasing ni ACT Teachers Party-list Representative France Castro iti posibilidad a panang-impeach kenkuana.
Iti agdama, dua a reklamo ti impeachment iti naidatag kontra kenkuana idiay Kamara.
