Respetuen ti Quad Committee ti Kamara no ania man ti desision ni sigud a Presidente Rodrigo Duterte iti masungad a panagdengngeg ti Lower House iti Kongreso.
Daytoy ket kalpasan a naipatulod kenkuana ti imbitasion mainaig iti agtultuloy nga imbestigasion mainaig iti alegasion ti extrajudicial killings.
Segun kenni House Quad Committee Surigao Del Sur Representative Chairperson Robert Barbers, saanda a piliten ni ex-President Duterte a tumabuno kas pammadayaw; nangruna, kinunana, no awan met pakainaiganna iti aniaman a panaglabsing iti linteg.
Kamaudiananna, manamnama a maawat na ti imbitasion ti Komite ken maragsakan dagiti kongresista no umay iti sigud a presidente Duterte.
