BR LA UNION – Posible a mangiruar iti kabiitan a panawen ti International Criminal Court (ICC) ti warrant of arrest kontra kadagiti co-perpetrators ni sigud a Presidente Rodrigo Roa Duterte.
Daytoy ket kasaruno iti panangiwargawag ti ICC iti dadduma pay a kakadwa ti sigud a presidente iti panangipatungpal ti nadara a war on drugs idi isuna ti mayor idiay Davao City ken idi presidente ti pagilian.
Karaman a nadakamat ti naganna nga opisyal ket ti sumagmamano a miyembro ti gabinete ken law enforcement agencies a direkta nga adda ammo na iti operasyon.
Dagiti dinakamat ti ICC a nagan ket isuda:
Senator Ronald “Bato” Dela Rosa
Senator Christopher Lawrence “Bong” Go
Sigud a General Vicente Danao
Sigud a Camilo Cascolan
Sigud a Oscar Albayalde
Sigud a National Bureau of Investigation Director Dante Gierran
Sigud a Philippine Druig Enforcement Ageny Chief Isidro Lapeña
Sigud a Department of Justice Secretary Vitaliano Aguirre II
Ken dadduma pay a sigud nga opisyal ti Philippine National Police ken high-ranking government officials
Iti agdama, nakatuding nga adalen ti Pre-Trial Chamber dagiti ebidensiya tapno maamwan nu magna ti panagusig.
Impaganetget ti ICC a ti panangiruar ti dokumento ket paset ti transparency ken tapno ipakita iti masakopan ti accountability iti nabirngasan a “war on drugs” ditoy Pilipinas.
