Pinasingkedan ni Department of the Interior and Local Government (DILG) Secretary Jonvic Remulla nga agtaltalinaed iti infirmary ti Quezon City Jail idiay Payatas ni sigud nga House Speaker Martin Romualdez kalpasan a maiturong isuna sadiay idi rabii ti September 14.
Segun kenni Remulla, kadwa ni Romualdez iti awan aircondition system na a kwarto dagiti tallo pay a regular a person deprived of liberty (PDL).
Nakadepende iti doktor ti Philippine General Hospital nu katno nga agtalinaed iti infirmary ti sigud a mamanday-linteg.
Awan met iti personal a nurse wenno doktor manipud Bureau of Jail Management and Penology (BJMP) a nakadutok para kenni Romualdez. Nupay kasta, mapalubosan met a bumisita iti personal na a doktor manipud ala-una agingga alas-singko ti malem, malaksid iti aldaw ti Lunes.
