Nailaylayon iti pannakaipasidong ti Modefied Enchance Community Quarantine (MECQ) ti ili ti Bauang, La Union agingga inton April 30, 2021 maibasar iti pinirmaan nga Executive Order No.17 ni La Union Gov. Francisco Emmanuel Pacoy Ortega idi kalman.
Mainaeg iti daytoy, mangrugi met a maipasidong ti General Commnunity Quarantine (GCQ) ti syudad ti San Fernando ken ti ili ti Bangar, inton April 27 agingga May 10,maibasar iti Executive Order No.17 ken 18, series of 2021.
Iti sabali a bangir, agtaltalinaed nga MECQ iti ili ti Luna maibasar iti Executive Order No. 15, series of 2021.
Ti pannakaipasidong iti MECQ ken GCQ dagiti nasao a lugar ket tapno mas malapdan iti panagwaras ti deadly virus.
