Inlawlawag ti Department of Health (DOH) a saan nga epektibo a proteksyon kontra monkeypox (mpox) ti panagsuot ti facemask, nu ketdi ket nasken a liklikan ti panagungngo ken panag-arakop tapno malilikan ti sakit.
Segun kenni DOH spokesperson Dr. Albert Domingo, saan nga airborne iti mpox isu a saan a face mask ti kangrunaan a pangdepensa iti daitoy. Innayon na nga uray pay agisuot ti face mask ket mabalin latta maakaran nu maki-ungngo wenno arakop ti maysa a tao iti indibidwal nga addaan ti sakit.
Napagammoan a ti mpox ket maiyakar babaen ti physical contact kas iti skin-to-skin, kissing, hugging, nga uray nu awan iti sexual intercourse.
Nupay ngumatngato ti kaso ti mpox, kinuna ti DOH a nababbaba daitoy nu idasig idi tawen 2024 nu sadino amin a kaso ket na-categorized kas Clade II a saan unay a makaakar, saan a kas ti Clade 1b a napegpeggad nga awan pay met ti nailista ditoy Pilipinas.
Pinaglibakan pay ti DOH dagiti saan nga umiso nga impormasyon mainaig ti pannakaiyuswat ti lockdown gapo iti mpox.
