LA UNION – Kiniddaw ti grupo a Federation of Free Workers (FFW) a mairaman iti nakatuding a panagngato ti suweldo dagiti government workers, ti suweldo dagiti contractual workers iti gobyerno.
Apela ti grupo, nasken a subliyanan ni Pres. Ferdinand Marcos Jr iti agdama a government wage scheme ket mangilatang ti ‘substantial increase’ kadagiti adda iti lower rank, argaman dagiti contractual ken job order workers.
Maipalagip a nagbalin a paset iti maikatlo nga SONA ni Pres. Marcos Jr iti kari na nga ingato ti suweldo dagiti mangmangged iti pampubliko a sektor.
Iti panagngato ti suweldo dagiti agtrab-trabaho iti gobyerno ket epektibo ita a tawen ken agbalin a retroactive daytoy, mangrugi inton Enero 2024.
Segun met kenni Department of Budget and Management Secretary Amenah Pangandaman, nakasaganan iti pondo para iti nasao a programa agraman pondo iti sumaruno a tawen.
Iti nasao a wage increase ket maipaay kadagiti empleyado babaen ti uppat a tranche.
