Nangisayangkat ti tignay protesta dagiti sumagmamano a Filipino activist idi kalman, Enero 17, kas panangkontrta iti panagserrek ti Estados Unidos idiay Venezuela.
Daytoy ket kas pannakikaykaysa iti Global Day of Solidarity ken panangipakita ti suporta kadagiti umili ti Venezuela.
Nagmartsa dagiti agprotprotesta manipud Kalaw Avenue aginggana iti Embahada ti Estados Unidos idiay Roxas Boulevard nga iggem dagiti dakkel a tarpaulin a nakasuratan dagiti panawaganda.
Karaman ditoy iti apela a panawan ti Estados Unidos iti Venezuela ken ti sibubukel a Latin America, isardeng iti gubat iti nagan ti petroleo, ken dadduma pay.
Nangyeg met dagiti agprotprotesta dagiti higante nga imahe ni US President Donald Trump.
Kalpasan ti ababa a programa iti sango ti US Embassy, naan-anay a pimmanaw dagiti agprotprotesta nga awit dagiti tarpaulin-da.
Maipalagip nga idi simrek ti US idiay Venezuela idi Enero 3, ket inarestarda ni President Nicholas Maduro ken ti asawana a ni First Lady Cilia Flores.
Agtultuloy met a taktakderan ti kampo ni Maduro nga agtaltalinaed nga isuna ti legal a presidente ti Venezuela iti laksid ti pannakadetine-na idiay Estados Unidos.###
