BR LA UNION – Iti nagsasaruno a walo a tawen, agtaltalinaed a world’s happiest country wenno kararagsakan a paglian iti intero a lubong iti pagilian a Finland.
Unfortunately, ti pagilian nga Estados Unidos ket lalo pay a simmadsad iti puwesto, iti No. 24 a maibilang a lowest ranking na iti tinawen a World Happiness Report.
Iti maika-13 nga edisyon ti World Happiness Report ket paset iti selebrasyon ti United Nations International Day of Happiness, ita nga aldaw, March 20, idiay Europa.
Dagiti top four a pagilian, Finland, Denmark, Iceland ken Sweden, ket isuda met laeng ti adda iti kapada a puwesto idi 2024 bayat a No. 5 iti Netherlands; No. 6 iti Costa Rica ken Norway ket adda ita iti No. 7.
Iti United States ken iti dadduma a pagilian idiay Europa ket nakitaan ti panag-decline ti happiness and social trust, gaputi makunkuna a bimmara a political polarization ken votes against “the system,” maibasar iti report.
Ngem iti brighter side, agpar-parang iti global research, a dagiti tattao ket lalo a simmingpet ngem iti ninamnama.
Iti kangrunaan a galad nu apay a maman-mantinir ti Finland iti panagbalin na a kararagsakan a pagilian ditoy lubong, ket babaen iti suporta dagiti tattao, nangruna iti social support systems wenno tulong a mangipapaay ti gin-awa ken pagimbagan dagiti residente.
Kabayatanna, iti pagilian nga Afghanistan iti maibilang nga unhappiest country in the world wenno kalidayan a pagilian ditoy lubong, agsipudta dagiti babbai sadiay wenno Afghan women, ket kontrolado ti garaw da iti sidong ti Taliban regime, ken makapad-padas dagitoy ti rigat ti panagbiag.
Maikadwa iti Sierra Leone idiay western Africa nga unhappiest country ken maikatlo iti Lebanon.
Kabayatanna, dagiti met kararagsakan a lugar iti Asya, maibasar pay laeng iti 2025 World Happiness Report:
- Taiwan
- Singapore
- Vietnam
- Thailand
- Japan
- Philippines
- Republic of Korea
- Malaysia
- China
- Mongolia
