Nakasagana nga agpasidong ti lifestyle check iti First Family kalpasan a rumuar iti report a nakaawat ti adu a pondo iti baluarte dagiti Marcoses idiay Ilocos Norte iti napalabas a tallo a tawen.
Segun kenni Presidential Communications Undersecretary Claire Castro, ipaima ni Presidente Ferdinand Marcos Jr. iti anakna a ni Ilocos Norte First District Representative Sandro Marcos iti panagsungbat iti nasao nga alegasion.
Sipud pay idi ket imbagana a silulukat ken nakasagana iti First Family iti aniaman a lifestyle check.
Maipalagip a nangiruar ti report iti Philippine Center for Investigative Journalism (PCIJ) a nakaala ti Ilocos Norte iti dakkel a paset ti P1.2 trillion allocable funds.#
