Nakailista ti Guinness World Record iti fitness coach a ni Lilian Zamora Alonso manipud Miami, Florida kalpasan a bagkaten iti 639 pounds wenno nasurok-kumurang 290 kilo usar iti siket na ti hip thrust exercise.
Inaramid na iti record attempt idi Marso 27 idiay Miami Iron Gym, ngem kalpasan ti lima pay a bulan sakbay nga opisyal a naaprubaran iti rekord kas kadagsenan a weighted hip thrust ti maysa a babai.
Segun kenni Zamora Alonso, 16 anyos pay laeng isuna idi nangrugi a mangbagkat dagiti weights.
Naallukoy isuna a padasen iti rekord kalpasan a maamawan a 605 pounds iti sigud a nailista a rekord.
Nupay kaya na a bagkaten ti 670 pounds, pinili na iti nababbaba a timbang para iti opisyal a panangpadas, tapnu maliklikan iti panagaramid ti biddot a dokumentasyon.
Kayat na met nga itultuloy iti panagsanay tapnu maala pay iti dadduma a personal a tarigagay, ken saan nga iserserra iti posibilidad a sumubok manen ti world record.
