Binigbig ni Presidente Ferdinand Marcos Jr. iti Filipino Guinness World Record holder a ni Claro “Lito” de Veterbo Jr. idiay Malacañang idi Mayo 20.
Iti courtesy call, binigbig ti Presidente ti naindaklan a long-distance walk manipud Pagudpud, Ilocos Norte aginggana Glan, Sarangani Province a naaramid manipud Pebrero 9 agingga Hulyo 6, 2025.
Segun kenni De Veterbo, saanna a kangrunaan a panggepna iti makaiyawid ti rekord no di ket iti mangitag-ay iti pannakaammo maipanggep iti panangsalaknib iti kalikasan ken umno a panaggaraw iti aglawlaw.
Nupay kasta, ibilangna a “bonus” iti pannakapasrekna iti Guinness World Records gapu iti balligi a panagdaliasat.
Kinunana met nga agingga iti panagleppas ti pannagna na, saan na pay laeng a patien a nakagun-od isuna ti world title.
Malaksid iti panagbalin a mountaineer, ni De Veterbo ket maysa a sertipikado nga instructor ti Leave No Trace, maysa nga organisasyon a mangilunglungalong iti responsable a panagdaliasat ken panangsalaknib iti aglawlaw babaen ti edukasyon.###
