Uray ti food truck ti Philippine Red Cross wenno PRC ket saan a nakaliklik iti peggad ti layus.
Atiddog a bihaye dagiti nalayus a kalsada ti sumagmamano laeng kadagiti karit a sinango ti humanitarian caravan ti PRC.
Naipadamag a dandani saan a makaballasiw ti lugan iti nakaro a layus sadiay Lopez, Quezon Province.
Babaen ti estratehia ken ti panagayat a mangyeg iti tulong, naiaramidan metlaeng ti wagas ket nakaballasiw ti nadakamat a trak.
Dagus a nangibunong dagiti boluntario iti hot meals manipud iti food truck kadagiti pamilia ken indibidual a naapektaran iti Bagyo Kristine kadagiti evacuation centers.
Rabii ti Mierkules idi nagbiahe ti humanitarian caravan nga addaan kadagiti rescue vehicles, food trucks, assets ken volunteers a timmulong a mangrescue kadagiti umili a natrap kadagiti pagtaenganda.
