BUmay bumisita ni Minister of Foreign Affairs and Cooperation ti Democratic Republic of Timor-Leste a ni Bendito dos Santos Freitas ditoy Pilipinas inton masungad nga Agosto 19-21.
Manipud idi nagtugaw iti foreign minister, daytoy ti umuna a gundaway nga adda opisial a panagbisita ni dos Santos Freitas ditoy Pilipinas.
Ti Timor-Leste, a pagaammo met kas East Timor, ket nagun-od ti independensya manipud Indonesia idi Mayo 20, 2002.
Sakbay a sinakup ti Indonesia, ti East Timor ket maysa idi a kolonia ti Portugal iti adu a siglo aginggana idi Nobiembre 1975.
Nabayagen nga inkagumaan ti Timor-Leste ti mabigbig kas maika-11 a kameng ti Association of Southeast Asian Nations (ASEAN).
Inulit met ni Presidente Ferdinand “Bongbong” Marcos Jr. idi napan a tawen ti suporta ti Pilipinas iti naan-anay a pannakaikameng ti Timor-Leste iti ASEAN.
