Pinapigsa pay ti Pilipinas ken Japan iti panagtinnulong da ken panagsungbat iti didigra kasaruno ti kooperasyon iti napasamak nga uram idiay Navotas Sanitary Landfill.
Iti naangay a summit meeting da Presidente Ferdinand Marcos Jr. ken Japanese Prime Minister Sanae Takaichi sadiay Tokyo, Japan, ket impaganetget ti presidente iti napartak a panangpatulod iti Japan kadagiti technical experts tapno tumulong iti panagresponde.
Segun kenni Presidente Marcos, naipakita iti madagdagos a panagtignay ti Japan iti kinapateg ti koordinasyon kadagiti panawen ti krisis ken emerhensiya.
Maipalagip a nangipatulod dagiti Hapon kadagiti ekpersto iti teknikal a tulong para ti firefighting operations, air quality monitoring, ken waste management kabayatan a malablabanan iti uram a nangpartuat ti napuskol nga uram idiay Navotas ken dadduma pay a paset ti Metro Manila.
Manamnama pay nga umuneg ti kooperasyon ti Pilipinas ken Japan iti tay-ak ti disaster preparedness, emergency response, ken panangusar ti teknolohiya tapno makissayan ti epekto dagiti didigra iti komunidad.
