LA UNION – Nakabalud ita ti maysa a foreign national kalpasan nga inpatiliw iti makinkukua ti resort gapu iti saan na a panagbayad ti bill na idiay Barangay Urbiztondo, San Juan, La Union.
Nabigbig ti gangganaet a ni Jay Morris, 35, maysa a US citizen ken residente iti Makati City.
Immuna ditoy, kimiddaw ti tulong kadagiti otoridad ni Teresita Witt, 63, balo, agtagikua ti resort idi kellaat laengen nga pimmanaw ni Morris ken saan a nagbayad ti bill na nga umabot iti P9,995 pesos.
Iti panagresponde ti San Juan Police dagusda met nga natiliw iti nabartek a ni Morris.
Naamuan nga nagcheck in idi aldaw ti Martes May 21 ni Morris ken agawid kuma idi Sabado May 25 a saan man laeng a nagbayad iti bill na.
Iti agdama, adda iti kustodiya ti San Juan Police ti nasao a gangganaet idinto nga maur-uray pay iti desisyon ti korte kontra kenkuana.
