Dimmawaten ti pammakawan ni North Port Batang Pier player Fran Yu iti barangay kagawad a nakaapa na.
Kinuna ni Barangay Kagawad Victorino Farrales manipud Brgy. 350, Santa Cruz, Manila a pagpanunotan na pay nu awaten na ti panagdispensar ti basketbolista wenno saan.
Kapatangen pay umuna ti kagawad dagiti dadduma nga opisyales ti barangay apaman ituloy da ti kaso kenni Yu.
Maipalagip a nagtaud ti panagrikyar dagiti dua kalpasan a masita ni Yu iti panagparada na ti motorsiklo ti maysa a fast food chain.
Immuna metten a kinuna ni PBA Commissioner Willie Marcial a mangurnong da pay ti naan-anay nga impormasyon mainaig ti nasao nga insidente.
