Nakibinnulig ni Parañaque Representative-elect Brian Raymund Yamsuan iti private sector tapno maiturong idiay Parañaque ti maaw-awagan a “culture of financial literacy” a panggep a maikkan ti umdas a pakaammo dagiti benepisyaryo a maikkan ti livelihood assistance manipud iti gobierno.
Kinuna ni Yamsuan nga agbalin a prioridad na ti financial literacy program ken agtalek isuna a napateg ti maaddaan ti umdas a pakaammo dagiti benipisyaryo a makaawat ti ayuda manipud ti gobierno kasta met ti panagbalin a responsable dagitoy tapno saan nga agtungpal ti awan ti tulong kadakuada.
Karaman kadagiti maipasidong ti financial literacy program ket dagiti recipients kadagiti programa ni Yamsuan a “Bigay Negosyo” ken “Dagdag Puhunan Para sa Kabuhayan” programs babaen ti panakibinnulig ti Department of Labor and Employment (DOLE) ken Department of Social Welfare and Development (DSWD).
Imbatad pay ti Kongresista a panggep ti addang nga agbalin a ‘wais’ ti panagiggem ti kwarta da dagiti tattao.
Kinuna ni Yamsuan a karaman ti financial literacy program ti panangisuro ti proper budgeting, saving, investing, lending, impormasyon para kadagiti financial products and services a mabalin nga aramaten tapno maparang-ay ti babassit a negosyo da.
Binigyang-diin ni Yamsuan a tinawen a mangituktukon ti gobierno iti pondo babaen ti national budget para kadagiti livelihood programs wenno ‘ayuda’ kadagiti low-income individuals. Impunto na pay nga apaman financially literate ti maysa nga tao ket saan a basta-basta a mabiktima dagiti scammers.
Garud ket impasiguro na a maitandudo tu manen iti panagserrek iti 20th Congress ti singasing a gakat a mangi-institutionalize kadagiti financial literacy programs for workers.
