Agtultuloy a sebsebseban ti nasurok 1,000 a bumbero iti Gifford Fire a nangrugi idi Biyernes iti Los Padres National Forest idiay Solvang, California.
Dumanon iti 72,460 nga ektarya iti pinadapo ti apoy ken 3% pay laeng iti nasebseban ti California Fire department.
Apektado iti nalawa nga uram dagiti sumagmamano a lugar idiay Santa Barbara ken San Luis Obispo counties a nakaipatungpalan dagiti evacuation orders.
Mapagpegpeggadan met a mauram dagiti nasurok 460 nga estraktura.
Tallo nga indibidwal dagiti naipadamag a nasaktan pakairamanan iti maysa a sibilyan a nakapasar ti burn injuries ken dua a kontrarista a danangran iti maysa nga aksidente ti utility vehicle.
Gapo iti napuskol nga asok, nangiruaren ti air quality alert ti Cuyuma ken air quality watch iti intero a Santa Barbara County.
Nabalakadan iti publiko a limitaran iti panagtalinaed ti ruar, kangrunaan dagiti adda sakit na ti puso wenno bara, dagiti nataengan, masikog, ken ubbing.
Kagiddan daytoy, dua a kabarwan a wildfire iti napasamak idi Lunes, pakairamanan iti Rosa Fire iit Riverside County ken Gold Fire idiay San Bernardino County.
Iti agdama, agtultuloy iti imbestigasyon seknan iti rason ti Gifford Fire.#
